Irsiyat– tirik organizmlarning uz belgi va xususiyatla¬ri avloddan-avlodga (nasldan-naslga) berish xossasidir. Irsiyat tufayli ota-ona organizmlarning belgi va xususiyatlari o’zgarmagan holda nasldan-naslga beriladi. Organizmlarning bu xususiyatlari o’simliklar, hayvonlar va mikroorganizmalarning oila, tur, zot va naviga xos xususiyatlarni kelgusi avlodlarda saqlanib qolishiga yordam beradi.
Hujayra yadrosida joylashgan xromosomalar irsiyatning moddiy negizi bo’lib, avlodlar o’rtasida navbatlanishning ta’minlovchi asosiy manba hisoblanadi.
Jinsiy ko’payishda erkak va urg’ochi hujayralarning o’zaro qo’shilishi, ya’ni urug’lanish davrida, xromosomalar ota-onadan naslga o’tadi. Demak, irsiyatning moddiy negizi jinsiy hujayralarda joylashib, avlodlar shu hujayra orqali o’zaro bog’lanadi. Bunda ona hujayrada bo’lgan belgi va xususiyatlar xromosoma orqali qiz hujayralarga beriladi. Shuning uchun irsiyat tufayli bug’doy urug’idan bug’doy, g’o’za chigitidan g’o’za unib chiqadi.