Хантал қоғозлари (горчичниклар) , ментол, новшатир спирти, камфора спирти, тери ва шиллиқлардаги сезувчан асабларни таъсирлаб, маҳаллий ҳамда рефлектор таъсир кўрсатади. Маълумки, тери ва шиллиқларда рецепторлар кўп, уларга оғриқ, ҳарорат, кимёвий омиллар танлаб таъсир кўрсатади. Рецепторлар ўтказувчан жисмлар орқали асаб марказлари билан боғланган. Ушбу рецепторлар таъсирланса, импульслар оқими марказий асаб системасига кўтарилади, у ердан жавобан рефлектор жараёнлар пастки аъзоларга, тўқималарга, қон томирларга этиб келади. Рефлектор таъсир бўлиши учун модда жароҳатланган аъзо билан орқа миянинг бир хил сегментидан терининг трофик (сезувчан) инасабация оладиган жойига қўйилади.