Мавзунинг долзарблиги.Ўзбекистон Республикаси Президенти И.А.Каримов2014 йил5-6 июн кунлари ўтказилган
“Ўзбекистонда Озиқ-овқат дастурини амалга оширишнинг муҳим захиралари” мавзусидаги халқаро конференциянинг
очилиш маросимидаги нутқида қуйидагиларни таъкидлаб ўтди:
2008 йилда бошланган инқироз билан боғлиқ воқеалар барчамизнинг эсимизда, ўшанда жаҳон миқёсида нарх-наво
кўтарилиб, озиқ-овқат таъминотининг узилишлар юзага келгани Осиё, Африка ва Лотин Америкасининг кўплаб
давлатларида норозилик ва оммавий тртибсизликларга сабаб бўлган, бутун дунёда барқарорликка нисбатан жиддий хавф-хатарга айланган эди.
Ер юзи аҳолисининг тез кўпайиб борётгани билан озиқ-овқат маҳсулотларини ишлаб чиқариш ҳажмининг ўсиш
имкониятлари чеклангани ўртасидаги тафовут озиқ-овқат дастурини ҳал этиў масаласи йилдан-йилга кескинлашиб
борёаётганининг асосий сабаби экани ҳақида бугун ортиқча гапиришнинг ҳожати йўқ, деб ўйлайман.
Содда қилиб айтганда, озиқ-овқат маҳсулотлари ишлаб чиқариш ҳажмининг ўсиши аҳоли сони ва эҳтиёжларининг
ўсишидан ортда қолмоқда.”
Республикамизда амалга оширилаётган сиёсий ва ижтимоий ўзгаришлар стандартлаштириштириш, метрология,
сертификатлаштириш ва сифатни бошқариш соҳаларида янги йўналишларни белгилаб берди. Ўзбекистон
Республикасининг“Техник жиҳатдан тартибга солиш тўғрисида”, “Стандартлаштириштириш тўғрисида”, “Метрология
тўғрисида”, “Истеъмолчиларнинг ҳуқуқларини ҳимоя қилиш тўғрисида”, “Озиқ-овқат маҳсулотларининг хавфсизлиги ва
сифати тўғрисида”, “Хўжалик субъектлари фаолиятининг давлат назорати тўғрисида”ги қонунлари, Республика Вазирлар
Маҳкамасининг“Ўзбекистон Республикаси Миллий эталон базасини шакллантириш ва метрологик таъминотни
такомиллаштириш тўғрисида”ги қарорлари қабул қилинди.
Республикамиз корхоналарининг рақобатбардошлигини ошириш ва халқаро бозорга чиқишга эришиш учунISO 9000
серияли халқаро стандартлар асосида сифат менежменти тизимини жорий этишга ва озиқ-овқат хавфсизлиги тизимини
барқарорлаштиришга қизиқувчиларнинг ортиб бориши кузатилмоқда. Сифат менежменти тизимини жорий қилиш ва озиқ-овқат хавфсизлиги тизимини барқарорлаштириш, корхоналарнинг тендерларда қатнашиш, менежмент тизимини
такомиллаштириш, ишлаб чиқариш жараёнларини оптималлаштириш ва ҳамкорлик муҳитини ривожлантириш
имкониятларини беради.