Ўзбекистон Республикасида ахборот - коммуникация технологияларининг миллий инфраструктураси жадал суръатлар билан ривожланмоқда. Бу Республикамиз мустақилликка эришганидан сўнг жамиятимизнинг ахборот–коммуникация технологиялар соҳасида туб ўзгаришлар содир бўлганидан дарак беради. Ҳозирда иқтисодиёт, телекоммуникация соҳасида ахборот индустрияси олдидаги мақсад ва масалалар ўзгарди. Ҳажми муттасил ошувчи ахборотларни сақлаш, қайта ишлаш ва узатиш жараёнларини автоматлаштириш масаласини ечишга имкон берувчи автоматлаштирилган тизимларининг пайдо бўлиши ва жорий этилиши ушбу жараёнларни тажовузкор ахборот таъсирига нисбатан заиф қилиб қуйди. Натижада компьютерда сақланувчи бошқа ахборотни ҳимоялаш воситаларига эҳтиёж туғилди. Айниқса, кўпчилик фойдаланувчи тизимларда, очиқ тармоқлар орқали фойдаланувчи тизимларда ҳимоялаш воситаларига эҳтиёж кучли сезилди. Бунинг учун дастурий таъминотларни ишлаб чиқиш жараёнини лойиҳалаштиришда ахборот оқими таҳлилига унинг хавфсизлигига эътибор қаратилиши муҳим. ҳисобланади.