Hozirgi zamonda davlatimiz mustaqilligi tufayli fan va texnika sohasida tubdan o`zgarishlar ro`y bermoqda. Bu o`zgarishlar barcha og’ir, engil sanoat hamda qishloq xo`jalik sohalarida yaqqol ko`zga tashlanmoqda. Davr talabi bu birinchi navbatda erkin bozor iqtisodiyoti qonunlari bilan hamnafas. SHuning uchun ham ishlab chiqarishga o`zaro raqobatla, bellashuvlar vujudga kelmoqda. Bu raqobatlarhamda bellashuvlar birinchi navbatda davr talabi natijasida kelibchiqadi ya’ni har bir korxona ishlab chiqarayotgan mahsulotning sifatli, chiroyli, zamonaviy moda yo`nalishiga mos xaridorlar didiga mos kelishi hamda mahsulot sotish narxining me`yorida bo`lishi katta ahamiyatga ega chunki oxirgi vaqtlarda o`zaro tashqi aloqalarning kengayishi natijasida sotuvda ko`plab eron, Turkiya, Rossiya, Xitoy, Saudiya Arabistoni va boshqa davlatlardan keltirilgan engil sanoat mahsulotlari ko`payib, mahalliy korxonalar tomonidan ishlab chiqarilgan mahsulotlarni siqib chiqarmoqda. Agar keyin ham shunday davom etaversa, engil sanoat korxonalari o`z xarajatlarini qoplamay sinishi ehtimodan holi emas. SHuning uchun ham engil sanoat ishlab chiqarish korxonalari tezda o`zlarini o`nglab olib chet mamlakatlaridan keltirilgan mahsulotlar bilan raqobatlashadigan ulardan ham yaxshi, sifatli, zamonaviy mahsulotlar ishlab chiqarishlari zarur. Buning uchun birinchi navbatda fan yutuqlarini nazarda tutgan holda ishlab chiqarishna tashkil etishni, mahsulotlar assortimenti va boshqa iqtisodiy faktlarni ko`rib chiqib ishni qayta tashkil etishni ko`rib chiqish lozim. Ishlab chiqarish korxonalari uchun ilm-fan yutuqlarini qo`llash oliygohlar bilan hamkorlikda ishlash o`zining katta samarasini beradi.