Matematik tahlil fanidagi amaliy mashg`ulotlarni innovatsion texnologiyalar asosida tashkil etish

Shuni ta`kidlash lozim-ki, har bir jamiyatning bugungi kuni va kelajagi uning ajralmas qismi va hayotiy zarurati bo`lgan ta`lim tizimining qanday darajada rivojlanganligi bilan belgilanadi. Shu sababli bugungi kunda mustaqil taraqqiyot yo`lidan borayotgan mamlakatimizning uzluksiz ta`lim tizimini isloh qilishi, uni takomillashtirishi, ta`limni yangi sifat bosqichiga ko`tarishi, unga ilg`or pedagogik va axborot texnologiyalarini joriy qilishi hamda ta`limdagi samaradorligini oshirishi davlat siyosati darajasiga ko`tarildi. ―Ta`lim to`g`risida‖gi qonun va ―Kadrlar tayyorlash milliy dasturi‖ning qabul qilinishi bilan uzluksiz ta`lim tizimi orqali zamonaviy kadrlar tayyorlashning asosi yaratildi.