Республикамизда олиб борилаѐтган ислоҳотларнинг тақдирида юқори малакали мутахассисларнинг роли бениҳоя каттадир. Президентимиз таъкидлаганларидек: «Эртанги кун янгича фикрлай оладиган, замонавий билимга эга бўлган юксак малакали мутахассисларни талаб этади». Шу сабабли халқимизнинг бой интеллектуал мероси ва умумбашарий қадриятлари, замонавий маданият, иқтисодиѐт, фан-техника ва технологиялар асосида етук мутахассислар тайѐрлаш тизими ишлаб чиқилди ва жадал суръатлар билан ҳаѐтга татбиқ этилмоқда. Таълим тизимидаги чуқур ва кенг кўламли ислоҳотларнинг мазмуни ва амалга ошириш муддатлари Ўзбекистон Республикасининг «Таълим тўғрисида»ги қонунида ўз ифодасини топган.