Кўпгина нефт, газ ва газконденсат конлари сўнгги босқичда ишлатилаётган даврида қудуқнинг асосий фондининг эскирганлиги, қазиб олиш кўрсатгичининг пасайиши сабабли, янги технологияларни қўллаш зарур бўлади. Бундай конлар кам дебитли ҳисобланади ҳамда тик қудуқлар бурғиланганда қатламнинг қалинлигининг кичиклиги ва ўтказувчанлигининг пастлиги сабабли, самарадорлик кўрсатгичи сарфланган харажатларни қопламайди. Нефт ва газ маҳсулотларни қазиб олиш кўрсатгичини оширишда кейинги йиллар давомида горизонтал ва радиал бурғилаш ишларини жадаллаштириш бир томондан юқори самарадорликка эга бўлса, иккинчи томондан бурғилаш жараёнида ва ишга туширишда ечимини кўтаётган муаммоли масалаларни тадқиқот қилишни илмий ходимлар ва бўлажак ютук мутахассисларнинг олдига кўндаланг масала қилиб қўймоқда.