Mavzuning dolzarbligi: О`zbekiston iqtisodiyotida erishilayotgan yutuqlar va barqaror rivojlanish jarayonlari tanlangan yо`limizning tо`g`riligini asoslab bermoqda. Xususan, Muhtaram Prezidentimiz I.Karimovning Vazirlar Mahkamasining mamlakatimizni 2012- yildagi ijtimoiy-iqtisodiy rivojlanish yakunlari va 2013 – yilga mо`ljallangan iqtisodiy dasturning eng muhim ustuvor yо`nalishlariga bag`ishlangan majlisidagi ma’ruzasida ta’kidlaganidek, “global jahon iqtisodiyotida hali-beri saqlanib qolayotgan jiddiy muammolarga qaramasdan, 2012- yilda О`zbekiston о`z iqtisodiyotini barqaror sur’atlar bilan rivojlantirishni davom ettirdi, aholi turmush darajasini izchil yuksaltirishni ta’minladi, dunyo bozoridagi о`z pozitsiyasini mustahkamladi. Bu davrda mamlakatimiz yalpi ichki mahsuloti 8,2 foizga о`sdi, sanoat ishlab chiqarish hajmi 7,7 foizga, qishloq xо`jaligi 7 foizga, chakana savdo aylanmasi hajmi 13,9 foizga oshdi. Makroiqtisodiy barqarorlik va iqtisodiyotning mutanosibligi ta’minlandi” .