Bugungi kunda O`zbekiston Respublikasi agrosanoat majmuasida asosiy vositalar ishlab chiqaruvchi tarmoqlarning rivojlanishiga e`tibor juda katta. Respublika agrosanoat majmuasi tarmoqlari ayniqsa, qishloq xo`jaligi yangi texnikalar, ish qurollari, texnologiyalarsiz rivojlana olmaydi. Ushbu tamoqlarning raqobatbardoshligini oshirishning asosiy yo`nalishlari ishlab chiqarish jarayonlarini mexanizasiyalashtirish, ximiyalashtirish va avtomatlashtirishdir. Agrosanoat majmuasining birinchi (agrosanoat majmuasi tarmoqlari uchun ishlab chiqarish vositalari ishlab chiqaruvchi) sohasining rivojlanishiga e`tiborning yanada kuchayishi talab qilinadi. Prezidentimiz bu borada «Hukumat, joylardagi davlat hokimiyati organlari kichik biznes va xususiy tadbirkorlik rivojini ularga kredit ajratishni sezilarli darajada kengaytirish, ularning faoliyatiga davlat organlari tomonidan noqonuniy aralashuv va turli to`siqlar qo`yish holatlariga yo`l qo`yilmaslik hisobidan qo`llab-quvvatlash bo`yicha chora-tadbirlarni kuchaytirishi shart”-deya ta`kidlaydi.