Мустақил мамлакатимиз ҳуқуқий демократик давлат ва фуқаролик жамиятини шакллантириш ва такомиллаштириш йўлида дадил одимламоқда. Бу ҳол жамият ижтимоий-иқтисодий, маданий тараққиётида туб ўзгаришлар қилиш кераклигини бош мақсад қилиб белгилайди. Кадрлар тайёрлаш миллий дастурининг мақсади-таълим соҳасини тубдан ислоҳ қилиш, уни ўтмишдан кол¬ган мафкуравий қарашлар ва сарқитлардан тўла халос этиш, ривожланган де¬мократик давлатлар даражасида, юксак маънавий ва ахлоқий талабларга жавоб берувчи юқори малакали кадрлар тайёрлаш Миллий тизимини яратишдир. Дунёга янги кўз билан қарайдиган, уддабурон, ишнинг кўзини билувчи, буюк келажагимиз пойдеворини қурувчи ва юксалтирувчи мутахассис кадрларни тайёрлаш, республикамиз педагоглари олдида турган энг муҳим ва масъулиятли вазифадир.