O`zbekiston Respublikasining ijtimoiy, iqtisodiy, siyosiy jihatdan mustaqil davlat sifatida shakllanishi, jamiyat hayotining barcha sohalarida tubdan islohotlar o`tkazilishi ta`lim-tarbiya tizimining butunlay yangilanishiga olib keldi. Ma`lumki, har bir jamiyatning ongli qatlami o`zining o`rinbosarlari bo`lgan yosh avlodning ta`lim-tarbiyasi uchun qayg`uradi, g`amxo`rlik qiladi. O`zbekistonda uzluksiz ta`lim tizimining islohoti "Kadrlar tayyorlash milliy dasturi" [2] talablari asosida davlat tomonidan amalga oshirilmoqda.