Dasturiy ta’minotlarning mukammallashuvi kompyuterlarning xalq xo`jaligining turli sohalariga kirib borishiga sabab bo`lmoqda. Shu jumladan murakkab mexanik sistemalar harakatini tadqiq etish, arxitektura, mashinasozlik, yo`l qurilishi kabi sohalardagi mavjud masalalarni yechish jarayoni uchun bu texnikalardan foydalanish muhim ahamiyat kasb etmoqda. Yuqoridagilarini hisobga olgan holda turli mexanik sistemalarning harakatiga bog`liq holatlarni tadqiq etish, tajriba-sinov natijalarini tahlil qilishda zamonaviy paketlardan foydalanish samaradorligini yanada oshirish muhim ahamiyat kasb etadi.