2008 yilda AQSHda boshlangan jahon moliyaviy va iqtisodiy inqirozi natijasida dunyoning ko’plab mamlakatlari iqtisodiyotida keskin pasayishlar kuzatildi. YAIM hajmining tushib ketishi, davlat qarzlarining o’sishi, ishsizlik darajasining oshishi kabi salbiy iqtisodiy holatlar inqirozlarning mamlakatga ta’sir ko’rsatayotganligidan dalolat berib turardi. Ammo O’zbekiston borasida bu gaplarni aytish noo’rindir. YAIM hajmining o’sishi, davlat qarzining me’yordandan ham pastiligi, inflatsiya darajasini me’yorda tutib turilishi va yana bir nechta iqtisodiy ko’rsatkichlar gapimizni isbotidir. Bunday natijaga esa mustaqillikka erishilgandan so’ng iqtisodiyotda tub burilishga sabab bo’lgan turli islohatlar va uzoqni o’ylab puxta yuritilgan moliyaviy siyosat tufayli erishildi.