Membranali strukturalar elektron mikroskop yordamida ko’zning ko’rish hujayralarida, kolbacha va tayoqchalarda, xloroplastlarda, nerv tolasining yumshoq qobig’ida va hujayra sitoplazmasida topildi. Ikki qator tashqi va ichki monomolekulyar oqsil va ularning orasida biomolekulyar lipid qatlamlardan tuzilgan elementar membrana turlicha joylangan bo’ladi. Minglab membranalardan tashkil bo’lgan va bir-biriga zich joylashgan strukturalarda juda murakkab almashinish jarayonlari bo’lib turadi. Oqsil qatlamning ko’pchilik molekulalari kimyoviy jarayonlarni kataliz qiluvchi fermentlardan iborat bo’lib, membranalarda moddalarning murakkab o’zgarishlarini amalga oshiradi.