Нотўқима матолар бу нисбатан янги, лекин тўқимачилик маҳсулотлари ичида салмоқли улушга эга бўлган синф ҳисобланади.
Ўзбекистонда нотўқима матоларни катта қисми пахта толалари ва ипларидан тайёрланганлиги, уларни ўзига хослиги мато хосса ва хусусиятларини чуқурроқ ўрганиш, уни халқаро стандартлар тизимида баҳолаш масаласини жорий этилишини лозимлигини кўрсатади. Тобора ривожланиш ва такомиллаштириш жадал бораётган ушбу турдаги маҳсулотни ишлаб чиқариш соҳаси учун нотўқима матолар учун сифат кўрсаткичлари тизимини такомиллаштириш долзарб масала ҳисобланади.
Маҳсулотларини ишлаб чиқариш усулларини кўплиги, маҳсулотлар хом-ашё таркибини хилма хиллиги, қўлланиладиган ишлаб чиқариш тизимларини ўзига хослиги ҳар бир ассортиментдаги матоларнинг хоссаларини ҳам фарқланишига сабаб бўлади. Ушбу диссертация ишида нотўқима матоларни турларини ва улардан фойдаланиш кўламини кенгайтириш учун зарур ҳисобланган сифат тизимини мувофиқлигини аниқлаш асосида сифат кўрсаткичларини таснифини яратиш бош мақсад этиб белгиланди.