Hozirgi davrda qo’llanilayotgan yangi gerbitsidlarning ishlatish bo’yicha ma’lumotlar

ARSENAL gerbitsidi qishloq ho’jaligida foydalanilmaydigan maydonlar(temir yo’l yoqalari, avtomobil yo’llari qirg’oqlari, elektr va aloqa uzatish tarmog’i yo’llari, neft va gaz quvurlari o’tgan yo’llar, aeroport maydonlari, ishlab chiqarish korxonalarining sanitar himoya hududlari va boshqa hududlar)dagi bir yillik va ko’p yillik begona o’tlar hamda buta va butasimon daraxtlarni  yo’q qilishda ishlatiladi. ARSENAL gerbitsidi barcha turdagi buta va butasimon daraxtlarni hamda boshqa o’tsimon o’simliklarni yoppasiga yo’q qiladi.  ARSENAL gerbitsidini begona o’tlar unib chiqqunga qadar va unib chiqqandan so’ng o’sib rivojlanishning barcha bosqichlarida qo’llash mumkin. ARSENAL gerbitsidini erta bahorda, ya`ni o’simliklarning o’suv davrida qo’llanilsa, bir mavsum davomida preparat qo’llangan maydonlarda begona o’tlarning o’sib chiqmasligi ta`minlanadi.   ARSENAL gerbitsidi o’simlik barg yuzasi chang va moysimon moddalar bilan qoplanganda ham, o’simlik tanasiga tez shimilib, uning nobud bo’lishini ta`minlaydi. ARSENAL gerbitsidi qo’llanilgandan so’ng 18-20 kunda preparat samaradorligi ko’rina boshlaydi.