Бугунги кунда фан ва техниканинг ривожланиши, савдо муносабатлари ва бизнеснинг такомиллашувини ҳисобга олган ҳолда тўқимачилик корхоналарида ишлаб чиқарилаётган маҳсулот ва хизматлар сифатини назорат қилиш ва халқаро стандартлар талаблари асосида бошқариш корхоналар рақобатбардошлигини оширишда, бозор шароитида барқарор фаолият кўрсатишида муҳими омил бўлиб, корхонларга жуда кўп афзалликлар бермоқда.
Ушбу диссертация ишида тўқувчилик корхоналарида сифатни назорат қилиш ва сифат менежмент тизимини жорий этиш бош мақсад этиб белгиланди.
Қўйилган мақсадга эришиш учун тўқувчилик корхоналарда сифат назоратини, амалда бўлган сифат тизимларини, техника ва технология янгиликларини, стандартлаштириш ва сертификатлаш тизимини ҳамда соҳа истиқболларини назарда тутиб қуйидаги вазифаларни бажариш режалаштирилди:
- тўқимачилик корхоналарида маҳсулот сифати кўрсаткичлари ва уларни баҳолаш;
- тўқимачилик корхоналарида сифатни бошқариш тизими холати тахлили;
- тўқимачилик корхоналарида сифатни таъминлаш ва бошқариш усуллари;
- тўқимачилик корхоналарида сифат менежмент тизимини жорий этиш.