Mustaqil O’zbekiston muzeylarida ko’rgazmalar tayyorlanishi texnologiyalari

Tadqiqotning asosiy maqsadi, oldingi davrlardagi konseptual g`oyalarni umumlashtirib, analiz qilib, shuningdek muzey ekspozitsiyasi shakllaridagi muammolar va turli aspektlarga tegishli qo`shimcha tadqiqotlarni o`tkazib, ekspozitsiyaning mazmun-tematikasi, tili va ko`rgazmachilik o`ziga xosliklari bilan bir qatorda, muzey kommunikatsiyasining asosiy funksiyalarini amalga oshirish qobiliyatiga ega ekanligini ko`rsatishdan iborat. Shuningdek O`zbekistonda ekspozitsion texnologiyalarning axamiyatini aniqlash, muzey nazariyasi va amaliyotining rivoji uchun zarurligini ochib berish xam asosiy maqsadlardan biri qilib belgilangan. Mazkur tadqiqotda quyidagi vazifalarni echish ko`zda tutilgan: - qator nomuzey ko`rgazmalar bazasida vujudga kelgan jahon muzeylarining yaratilish tarixini tadqiq etib, muzey ekspozitsion evolyusiyasini analiz qilib, ekspozitsion funksiyalarni aniqlash; - muzey ekspozitsiyasi va badiiy ko`rgazma tipologiyalarini analiz qilib, prinsipial o`ziga xosliklarini kengroq o`rganish maqsadida tahlil qilish; - muzey ko`rgazmalari klassifikatsiyasining an’anaviy kriteriyalarini umumlashtirib, ekspozitsion faoliyat shakllari, xilma-xilligi prinsipial o`ziga xosligini xarakterlay oladigan tomonlarini aniqlab, muzey ko`rgazmachilik faoliyatini klassifikatsiyalash prinsiplarini tadqiq etish; - O`zbekiston muzeylari ekspozitsiyalarida zamonaviy tendensiyalarning nazariy asoslarini tadqiq etib, ularning bugungi kundagi perspektivalarini aniqlash. - muzeylarning bugungi kunda O`zbekiston tarixi va madaniyatining kam o`rganilgan hamda dolzarb muammolarini hal etishda qo`shayotgan hissalarini ko`rsatish; - O`zbekiston muzeylaridagi ekspozitsion texnologiyalarini jahon muzeylari tarixi, ekspozitsiya faoliyatidan kelib chiqib tadqiq etish va tavsiyalar ishlab chiqish. - O`zbekiston muzeylari va ularning mustaqillik davridagi faoliyatini nazariy hamda ilmiy jihatdan ochib berish, natijalar va xulosalarni umumlashtirishdan iborat.