O`simliklarning normal o`sishi va rivojlanishi uchun zarur nisbatlarda makroelementlar – azot, fosfor, kaliy, oltingugurt, kaltsiy va magniy, shuningdek mikroelementlar talab etiladi. Qishloq xo`jaligi arzon mahsulotlarini olishda har xil ozuqa elementlarga ega mahalliy tabiiy minerallarga e’tibor qaratish lozim, bu esa mineral o`g`it xarajatini tejash, o`simlik uchun maqbul nisbat va yetarli miqdorda o`zlashuvchan shakldagi elementlar bilan to`liq me’yorda ta’minlashga imkon beradi.