Pitkeriw qaniygelik jumıstın` aktuallıg`ı ha`m predmeti. Mu`lkshiliktin` tu`rli ko`rinislerine tiykarlang`an
ba`sekili bazar ekonomikasına o`tiw sharayatında xojalıq birlikleri (ka`rxana, firma) shen`berinde
islep shıg`arıwdı payda qılıw ha`m basqarıw tu`rliko`rinis ha`m usıllarda a`melge asırıladı.Olardın` ishinde isbilermenlik xızmeti ayırıqsha orın tutıp, bul xızmet sebepli mu`lkshiliktin` tu`rli ko`rinisleri ekonomikalıq ta`repten a`melde ha`reketke keltiriledi ha`mde o`z iyesine da`ramat keltiredi.
Bazar qatnasıqlarına tiykarlanan ekonomikada isbilermenlik ha`reketi ekonomikalıq resurs saplanıp, insan faktorının` quramlıq bo`limin payda etedi. Isbilermenlik xızmetinin` mazmunı, maqseti ha`m bazar ekonomikasına o`tiw sharayatında a`mel qılatug`ın ko`rinislerdi tolıq bayan etiw, isbilermenlik
kapitalının` mazmunın ha`m onın` ha`reket ko`rinisler kelip shıg`atug`ın protsessler ha`m onın` ko`rsetip bolıwın, sonday-aq, kapitaldın` aylanıw tezligi ha`m onnan paydalanıw na`tiyjeliligin asırıw ma`selelerin jaratıw tiykarg`ı wazıypası bolıp esaplanadı.