O`zbekiston Respublikasi Prezidentining 2012 yil 28 may oyida qabul qilgan «Malakali pedagog kadrlar tayyorlash hamda o`rta maxsus, kasb-hunar ta’lim muassasalarini shunday kadrlar bilan ta’minlash tizimini yanada takomillashtirishga oid chora-tadbirlar to`g`risida»gi Qarorida ta’lim muassasalari pedagog- o`qituvchilarining ilg`or pedagogik texnologiyalarni («Case-study» uslubi, loyihalar uslubi, hamkorlikda o`qitish, «Amaliy o`yin», interfaol ta’lim uslubi va boshqalar) ta’lim-tarbiya jarayoniga tatbiq etishlari uchun uslubiy va amaliy yordam berish ko`zda tutilgan. Bularning hammasi davlatimiz tomonidan ta’lim-tarbiyaga, shuningdek ularda ilg`or pedagogik texnologiyalar qo`llashga alohida ahamiyat berayotganligidan dalolat beradi.