Уй-жой фондини сақлаш фаолияти бир қатор тушунчаларни ўз ичига олади:
-уйларни бошқариш ва уларга хизмат кўрсатиш (тегишли техник ва санитария ҳолатини сақлаб туришга);
-уйларни таъмирлашга оид фаолият;
-уйларни сақлаш ва уларда яшаш ҳамда кўп квартирали уйга туташ, ободонлаштириш элементлари бўлган ер участкасидан фойдаланиш учун зарур шароитлар яратишга қаратилган бошқа фаолиятлар.
-уйларни бошқариш ва уларга хизмат кўрсатиш хусусий уй-жой мулкдорлари ширкатлари, бошқарувчи компаниялар томонидан амалга оширилади. Уй-жой фондини бошқариш уй-жой фондини, муҳандислик ускуналарини, шу уйларга туташ, ободонлаштириш элементлари бўлган ер участкаларини лозим даражада сақлашни; уларга хизмат кўрсатиш ва уларни таъмирлашни ҳамда фуқароларнинг яшаши учун зарур шароитларни яратишга қаратилган бошқа фаолиятни ўз ичига олади.