O`simlik moylari kundalik hayotda eng ko`p is`temol qilinadigan oziq-ovqat
mahsuloti hisoblanadi. Bugungi kunda insoniyatning asosiy maqsadlaridan biri
odamlar sog`ligini mustahkamlash, to`yimli, yengil hazm bo`ladigan, organizmga
salbiy ta`sir ko`rsatmaydigan, insonlar umrini uzaytiradigan o`simlik moylari bilan
ta`minlashdan iborat. Makkajo`xori moylari nafaqat parhezbob oziq-ovqat
mahsuloti, balki farmatsevtikada va parfyumeriyada ham tengsiz xomashyodir.
Ushbu noyob mahsulotni mahalliy makkajo`xori asosida olishni ilmiy asoslash,
ishlab chiqarish texnologiyasini yaratish bugungi kunning dolzarb masalalaridan
biridir.