Inson o’z hayoti davomida doimiy foydalaniladigan o’simliklardan tashqari boshqa serhosil yangi turlar hisobiga oziqa beruvchi o’simliklarni uzluksiz ko’paytirib borishi maqsadga muvofiqdir. Bu jarayon keyingi yillarda birmuncha jadallashmoqda. Ana shunday o’simliklardan biri qoqio’tdoshlar (Asteraceae Dumort) oilasiga mansub tikanli artishok - Cynara sсolymus L. hisoblanadi. Artishok O’zbekiston uchun noan’anaviy bo’lgan istiqbolli qimmatbaho o’simlik bo’lib, undan yashil holida silos, senaj va quruq yem-xashak sifatida foydalaniladi, hamda oziq-ovqat, farmasevtika sanoati uchun xomashyo va chorva mollariga ozuqa sifatida muhim ahamiyatga egadir. M.A. Ragimov [43, 44], R.S. Haydarov [53, 54, 55, 56] larning ma’lumotlariga ko’ra tikanli artishokning ho’l vazni tarkibida 18% protein, 15% oqsil, 1,92% inulin va bundan tashqari hayvonlarning rivojlanishi uchun zarur bo’lgan vitaminlar va boshqa organik moddalar mavjuddir.