Диссертация мавзусининг долзарблиги ва зарурати. Дунё миқёсида бугунги кунда саноат узумчилигини ривожлантириш ва кишмиш ишлаб чиқариш ҳамда кишмишбоп узум навларни қуритиш ҳажмини кенгайтиришга алоҳида эътибор қаратилмоқда. Ялпи узум етиштириш ҳажми бўйича сўнгги йилларда Хитой (14842,680 минг тонна), Италия (8241,914 минг тонна), АҚШ (7097,723 минг тонна) ва Франция (6247,034 минг тонна) етакчилик қилмоқда. Ушбу давлатларда етиштирилаётган узумнинг қарийб 65-70% қисми шаробчилик саноати учун хом ашё сифатида етказиб берилади. Ҳар йили Хитой давлатида 18,9 млн. диктолитр, Италияда 48,9 млн. диктолитр, АҚШда 22,1 млн. диктолитр ва Францияда 47,4 млн. диктолитргача шароб ишлаб чиқарилади. Бундай ҳажмда маҳсулот ишлаб чиқарувчи саноат корхоналарини хом ашё билан таъминловчи саноат токзорларининг маҳсулдорлигини кўтариш ва экспорт салоҳиятини ошириш учун узумчилик соҳасига илғор инновацион технологияларни жорий этиш ва мавжуд токзорларнинг ҳолатини тубдан яхшилаш тақозо этилади.АҚШ (7097,723 минг тонна) ва Франция (6247,034 минг тонна) етакчилик қилмоқда. Ушбу давлатларда етиштирилаётган узумнинг қарийб 65-70% қисми шаробчилик саноати учун хом ашё сифатида етказиб берилади.