Дунёдаги кўплаб мамлакатларда сабзавот экинзорларида бегона ўтларнинг тарқалиши, тур таркиби, биологияси ва экологиясини ҳисобга олган ҳолда уларга қарши агротехник ҳамда кимёвий кураш чораларининг самарали усуллари ишлаб чиқилмоқда. Тупроққа илмий асосда ишлов бериш ва гербицидлардан самарали фойдаланиш натижасида даланинг фитосанитар ҳолатининг яхшиланишига, тупроқни бегона ўт уруғлари билан ифлосланишининг камайишига, картошка, сабзавотлар ҳосилининг ошиши ва сифатининг яхшиланишига эришилмоқда. Шу жиҳатдан картошка ва сабзавотлардан юқори, сифатли ҳосил олишда бегона ўтларнинг турлари ва далаларни ифлослантириш даражасини ҳисобга олиб, уларни йўқотишда биологик, агротехник ва кимёвий усулларни қўллаш долзарб ҳисобланади.