Мавзунинг долзарблиги ва зарурати. Дунёнинг илғор агротехнологиялар асосида пахта етиштирувчи Америка Қўшма Штатлари, Хитой, Австралия, Исроил ва Бразилия каби мамлакатларида ғўза ҳосилдорлигини оширишда унинг қатор ораларига ишлов бериш технологиясини такомиллаштириш кенг тарқалган бўлиб, ушбу агротехнология ишлаб чиқариш харажатларини камайтириш ва пахта ҳосилдорлигини оширишдан ташқари тупроқ ҳайдов қатлами унумдорлигини ошириш, тупроқда сув инфильтрацияси ва уни сақлаш хусусиятларини яхшилаш ҳамда тупроқ аэрациясини мўътадил сақлашга қаратилган1. Шу туфайли, дунё мамлакатларида ғўза қатор ораларига ишлов беришнинг самарали усулларини ишлаб чиқиш долзарб йўналиш ҳисобланади.