Мустақил Республикамизнинг келажакда кучли ривожланган давлатлар қаторидан ўрин олишида олий укув юртлари олдига юқори малакали муҳандис мутахассислар, шу жумладан, қурилиш соҳасида мураккаб масалаларни еча оладиган лойиҳачилар, конструкторлар ва муҳандис технологларни тайёрлашдек муҳим вазифалар қўйилмокда. Ҳозирги бозор иқтисодига ўтилаётган бир пайтда арзон ва маҳаллий хом ашёлар асосида янгидан-янги қурилиш ашёлари ишлаб чиқариш, улардан қурилиш саноати талабларига мос келувчи ва халк хўжалиги учун зарур бўлган қурилиш буюмлари ва қурилмаларни тайёрлаш муҳим аҳамиятга эгадир.