Chigitli paxtani ishlashda mashinaning ishchi kamerasi yuzasi kattaligi uchun xom ashyo valigi vazni katta bo’ladi bu esa zichligi oshib ketishi natijasida olinayotgan mahsulot sifatiga salbiy ta’sir etadi va jinlashning texnologik rejimlarini buzilishiga, tez-tez tiqilishlarga va mashinalarni to’xtab qolishiga, sabab bo’ladi. Tolani chigitdan ajratish jarayonida tola va chigitda jinlash nuqsonlari hosil bo’ladi. Jinlangan tola tarkibida: ulyuk, pishmagan tola, singan tola, tola bo’lakchalari, tolali chigit po’stlog’i, eshilgan va tugunchali tolalar hamda chigitlar tarkibida singan va kuygan chigitlarni tashkil etadi.