Маълумки, мавжуд жамиятда яшайдиган ҳар бир шахс ҳар томонлама ривожланган бўлиши лозим, афсуски, кишилар ўзида руҳий, маънавий ва жисмоний сифатларни мужассамлаштирган ҳолда туғилмайдилар. Бу сифатларни камол топиши, ўша ижтимоий шароитга ва мавжуд тарбия тизимига боғлиқ. Жисмоний тарбия эса тарбияниг бошқа томонлари ичида муҳимларидан биридир. Ижтимоий муҳит ҳар томонлама гармоник ривожланишни, инсон органлари ва тизимларининг биологик ривожини ҳар доим ва ҳар ерда ички талаб тарзида ифодалайди.