Ta`limni rivojlantirishning hozirgi bosqichida o`qitishni tashkil etishning vositalarini, shakllarini, uslubiyotini yangilab va takomillashtirib borish zaruriyati paydo bo`lgan. Ushbu muammoni hal qilish o`quv jarayoniga ilg`or texnologiyalarni tadbiq etish bilan uzviy bog`liqdir. Bitiruv malakaviy ishining maqsadi ana shu texnologiyalarni tadqiq etish, ularni ta`lim jarayoniga tadbiq etish shart-sharoitlari va imkoniyatlarini o`rganib chiqish, darslar uchun turli ta`lim vositalari, jumladan elektron kartografik qo`llanmalar (katalog) tayyorlash yo`llari va uslublarini hamda ulardan ta`lim jarayonida foydalanish bo`yicha yondashuvlarini ko`rsatib berishdan iborat. Shuningdek, bitiruv malakaviy ishida ko`rgazmali ta`lim vositalaridan foydalanishning psixologik-pedagogik asoslarini o`rganish, ko`rgazmalilik mohiyati va uning shakllarini ochib berish, elektron kartalardan va ulardan foydalanish shart-sharoitlarini taxlil qilish, elektron katalog yaratish bo`yicha tajribalarni o`rganish, geografiya darslarida elektron kartalardan foydalanishning uslubiy sharoitlarini o`rganib chiqish va tanlash, fan dasturlari va darsliklari bo`limlari bo`yicha elektron kartografik katalog tayyorlash uchun dasturlar va uslubiyotni aniqlash, geografiya darslari uchun kartografik katalog tayyorlash kabi muammolar, tavsiyalar ishlab chiqish bo’yicha ma’lumotlar berilgan.