Dunyoning barcha davlatlarida bo’lgani kabi O’zbekistonda ham mehnat resurslaridan samarali foydalanish, ayniqsa ayollarning ishsizlik muammolarini bartaraf etish davlat oldida turgan doimiy dolzarb vazifalardan biri sanaladi. Qolaversa, o’ziga xos tabiiy, tarixiy va boshqa ijtimoiy-iqtisodiy omillar ta’sirida shaklangan mehnat resurslariga ega bo’lgan O’zbekistonda ishsizlik muammosini bartaraf etish, ayniqsa ayollar ishsizligi bilan bog’liq muammolarni yumshatish o’ziga xos ahamiyat kasb etadi. Ayni vaqtda mehnat bozori muammolari O’zbekiston uchun nisbatan yangi jarayon bo’lib, bu bozorda ayollar mehnatidan samarali foydalanish, uning bandlik darajasini oshirish, ayollar tadbirkorligini rivojlantirish orqali ayollarning ijtimoiy-iqtisodiy faoliyatini oshirish bilan bog’liq muammolar kam o’rganilganligi bilan ajralib turadi.