Maishiy janr-tasviriy sanʼatning kundalik ijtimoiy va shaxsiy hayotni, maishiy turmushni aks ettiradigan janri. Turmushda koʻzga tashlanadigan oʻzaro munosabatlar va xatti-harakatlarni, uning ichki mohiyati va ijtimoiy-tarixiy mazmunini chuqur ochib berish kabi xususiyatlarga ega. Demokratik va realistik badiiy anʼanalarning oʻsishi, rassomlarning xalq hayoti va mehnat faoliyatini atroflicha tasvirlashga qiziqishining ortishi bilan bog`liq holda rivojlandi. Maishiy janrda rangtasvir (kartina) yetakchi oʻrin tutadi, grafika, kichik hajmdagi haykaltaroshlikda ham maishiy mavzu keng tarqalgan.