Xalq amaliy san’ati o’quvchilarda badiiy didni o’stirish bilan bir qatorda ularda borliqni idrok etish madaniyatini va ularga nisbatan estetik munosabatni shakllantirishga xizmat qiladi. U o’quvchilarning badiiy mayllarini amaliy jihatdan to’g’ri yo’naltirish, keyinchalik uy jihozlari, kiyim-kechaklarga to’g’ri munosabatda bo’lishiga, qadimgi va hozirgi zamon amaliy-bezak san’ati asarlarining estetik mohiyatini tushunib yetishga ko’maklashadi. O’quvchilarni xalq ustalari ijodida obrazlilik bilan tanishtirish, borliqda estetik munosabatni o’stirishga yordam beradi.