Hozirgi kunda chorvachilikni rivojlantirish mustaqil O’zbekiston iqtisodiyotini shakllantirishda va xalq farovonligini oshirishda muhim o’rin tutadi. O’zbekistonning iqtisodiyoti, birinchi navbatda qishloq xo’jaligini rivojlantirishga qaratilgan. Aholini go’sht, sut, yog’ va tuxum mahsulotlariga bo’lgan ehtiyojini yanada yaxshiroq qondirish maqsadida O’zbekiston Respublikasi Prezidenti va Vazirlar Mahkamasining chorvachilik sohasida iqtisodiy islohotlarni chuqurlashtirish chora tadbirlari to’g’risidagi qarorlari Respublikamizda chorva mollarini yanada ko’paytirish, shu asosda qishloq aholisining bandligi va daromadlari o’sishini oshirish hamda ichki iste’mol bozorining to’ldirilishini ta’minlashga qaratilgan.