Har bir millat, davlat jahonga o`z qadriyatlari, xususan, fan, madaniyat va iqtisodiyotga qo`shgan hissasi bilan taniladi. Bir vaqtlar o`zining ilm-fani, ma’naviyati bilan jahonga mashhur bo`lgan o`zbek xalqi bugun o`z taraqqiyot yo`li-o`zbek modeli bilan ham obro`-e’tibor qozonmoqda. Mustaqillik yillarida qo`lga kiritgan ijtimoiy-madaniy, iqtisodiy-ma’naviy yutuqlari bilan bir qatorda tilshunoslik sohasida, jumladan, o`zbek sistemaviy leksikologiyasi tadqiqi borasida ham ilmiy tadqiqotlar amalga oshirildi.