Ўзбекистон Республикаси мустақиллиги туфайли фуқароларимизнинг дунёқараши тафаккури, ҳуқуқий онги ва маданиятида туб ўзгаришлар юз берди. Бугун мамлакатимизда бошқарувни либераллаштириш давлат ва жамиятни модернизация қилиш, иқтисодиётни эркинлаштириш, адолатли фуқаролик жамиятини ривожлантириш жараёнларини амалга оширишда жамоатчилик фикрини ўрганишга янгича ёндашувларни тақазо этмоқда. Жамоатчилик фикрини ўрганиш эҳтиёжи эса бир томондан, давлат ва жамият тузилмаларининг демократик тамойилларига нечоғли асосланишига, иккинчи томондан эса мавжуд эмпирик манбаларни илмий аналитик мушоҳадалаш, назарий қайта ишлаш, сентизлаш ҳолатларига бевосита боғлиқ ҳолда шаклланади.