Мақола долзарб масала, янги импорт ўрнини босувчи тўпловчи реагентларни мис-молибденли рудаларни флотациялаш жараёнида қўллашга бағишланган. Олиб борилган тадқиқотлар натижасида мис-молибденли рудаларни янги реагент ёрдамида флотациялаш схемаси ишлаб чиқилган ва қуйидаги натижалар олинган: чиқиши 1,5% таркибида 27,8% мис ва 33,95% олтингугурт сақловчи мисли флотобойитма олинган. Бунда мисни бойитмага ажралиши 86,9%ни, олтингугуртники 17,6%ни ташкил қилган. Ўрганилган реагент сульфидли рудаларни флотация усулида бойитишда қўллашга тавсия қилинди.