Qaraqalpaq xalqı ózleriniń tariyxıy turmıs tájiriybelerine súyene otırıp, keleshek áwladqa úlgi bolarlıqtay ádep ikramlılıq normaların keltirgen. Awızeki xalıq dóretpeler jas óspirimlerge júris-turıstıń normaların úyretiwshi sadalardı sanalılıqqa, ádep ikramlılıqqa, miymandoslıqqa tárbiyalawshı teńi-tayı joq mektep sıpatında kózge taslanadı. Sonlıqtan da xalıq awızeki dóretpeleri tárbiyashılar ushın eń jaqın járdemshi boladı. Balalarǵa xalıq awızeki dóretpelerin úyretiw arqalı olardıń oy-órisin, sana sezimin rawajlandırıp qoymay, sonıń menen birge til órisiniń bayıwına tásir jasaydı, balalardı óziniń oyın, pikirin qısqa, anıq hám kórkem etip aytıwǵa úyretedi.