Xalq awızeki shıǵarmalarında erte zamanlardan berli ómir súrip kiyatırǵan naqıl-maqallarda xalqımızdıń danıshpanlıq oyları, tapqır pikirleri tek jası kishi ǵana emes, al jası úlken adamlar ushın da beretuǵın aqılları jámlesken, kópshilik jaǵdayda ómirge durıs sheshimli juwmaq berilgen. Sonlıqtan da naqıl-maqallar balalardıń keleshegine jol siltewshi jollamaday aqılshı bolıp tabıladi. Naqıl-maqal oqıw, tálim-tárbiya protsessinde balanıń bolsın, ata-ananıń yamasa ulıwma jası úlken adamlardıń bolsın tiykarǵı ótkir, ushqır oylı násiyat quralı esaplanadı.