Bul jumıstıń tiykarǵı maqseti – qaraqalpaq tilindegi tuwısqanlıq atamalardıń qáliplesiw hám rawajlanıw jolların anıqlaw, ádebiy tilimizde tutqan ornın belgilew, bul terminologiyalıq sistemasınıń leksika-semantikalıq hám grammatikalıq ózgesheliklerin ashıp beriw, sonday-aq burın qollanılǵan hám házir de qollanılıp kiyatırǵan atamalardı toplaw, olardı mánilik toparlarǵa bólip, tártipke keltiriw máselelerinen ibarat. Bul maqsetti ámelge asırıw ushın jumıstıń aldına tómendegidey wazıypalardı sheshiw belgilendi: - Folklorlıq shıǵarmalarda tuwısqanlıq atamalardıń qáliplesiwindegi tiykarǵı dereklerdi úyreniw; - tuwısqanlıq atamalardıń quramındaǵı leksikalıq birliklerdiń tariyxıy – etimologiyalıq qatlamların úyreniw; - ayırım atamalardıń kelip shıǵıw tariyxın úyreniw; - tuwısqanlıq atamalardıń qaraqalpaq ádebiy tili leksikasın bayıtıwdaǵı rolin hám ondaǵı tutqan ornın kórsetiw.