Мустақиликка эришганимиздан сўнг барча соҳаларда бўлгани каби, таълим-тарбия тизимида ҳам туб бурилишлар юзага кела бошлади. Таълим тизимида ислоҳ қилинаётган ва унга алоҳида эътибор берилаётгани яққол сезилмоқда. “Таълим тўғрисида”ги Қонун, “Кадрлар тайёрлаш миллий дастури” қабул қилинди. Буларнинг барчаси келажак авлод ҳақида қайғуриш, соғлом, баркамол наслни тарбиялаб етиштиришга қаратилган. Кадрлар тайёрлаш миллий дастурида шахс асосий категория бўлиб ҳисобланади. 1997 йилда Олий Мажлиснинг IX- сесиясида таълим- тарбия тизимини тубдан ислоҳ қилиш, уни замон талаблари даражасига кўтариш асосий мақсад қилиб қўйилган.