Том конструкцияларини шамол юкламаси таъсирида муддатидан олдин, мустаҳкамлиги ва устуворлигини таъминлай олмаган ҳолатларини ўрганиш, конструкциялар элементларидаги кучланганлик-деформацияланувчанлик ҳолатини таҳлил қилиш, турли зўриқиш ҳолатларида назарий ҳисоблаш йўлларини белгилаш ва комплекс тадқиқ қилиш, чегаравий ҳолатлар бўйича ҳисоблашларда конструкция элементларини марказий ва номарказий чўзилиш, марказий ва номарказий сиқилиш, эгилиш, қийшиқ эгилиш, эзилиш ва ёрилиш каби мураккаб ишлаш шароитларида нормал ҳамда уринма кучланишлар орқали конструкция элементларининг мустаҳкамлигини аниқлаш масалалари мазкур магистрлик диссертациясида кўриб чиқилган ва ёритилган. Шунингдек, том конструкциялари элементларини маҳкамлаш ва устуворлигини таъминлаш бўйича янги хулосалар, таклиф ва тавсиялар ишлаб чиқилган.