Bugungi kunda davlatimiz yoshlar orasidan zamon talablari darajasida bilimga ega bo’lgan yuqori malakali kadrlarni kutmoqda. Zamonaviy innovatsion texnologiyalarni egallagan, yangi ta’lim texnologiyalaridan amaliy ish faoliyatida foydalana oladigan yetuk mutaxassislar bugungi kunda mamlakatimiz qudratini mustahkamlashga qaratilgan barcha iqtisodiy va ma’naviy sohalar uchun juda zarurdir. XXI asrning har bir ma’rifatli, ziyoli kishisi albatta, axborot texnologiyalarini yaxshi egallagan bo’lishi shart. Binobarin, aksariyat hollarda inson faoliyati uning axborotga ega bo’lganlik darajasi, ushbu axborotlardan samarali foydalana olish qobiliyatlariga bog’liq bo’lib qolmoqda.