Ушбу дарсликда муаллиф ҳозирги кунда “Педагогик маҳорат” фанида эришил-ган энг сўнгги ютуқлар нуқтаи назаридан ёндашган. Ўқитувчилик касби – ҳамиша навқирон касб сифатида эъзозланиб келинган. Шунинг учун ушбу касбий фаолиятнинг илмий – назарий ва амалий – методик асослари йилдан йилга ўз хусусиятларини бойитиб бормоқда. Дарсликда “Педагогик маҳорат” фанининг назарий ва методологик асосларига, мазмуни, функсияси, таркибий қисмларига, уларнинг вазифаларига жиддий эътибор берилган. Шу билан бирга ўқув–тарбиявий жараённи бошқаришда ўқитувчилар ва тарбиячиларнинг ўз касбига миллий–маънавий жиҳатдан муносабати қандай бўлиши кераклиги ёритилган.