Farzandlarimizning zamonaviy bilimlarga ega bo`lishi uchun jamiki imkonlarimizni ishga solishga tayyormiz. Davr bilan hamnafas, tengdoshlari bilan bo`ylashib yashashi ham orzu-havaslarimizning bir chetida yashirin turadi. Lekin ularni otameros qadriyatlarimiz, odatu qarashlarimiz, munosabatu murosalarimiz ruhida tarbiyalash hamisha ham qo`limizdan kelavermaydi. Balki bu rishtalardan o`zimiz-da uzoqlashdikmikin yoki davomiyligini ta’minlashda ojizlik qilayapmizmi? Aslida «Eski gaplar» nomini olayotgan, insonni sergaklantirishga, fe’llarimizni qusurlardan himoya etib turishga daxldor bu hayotiy hikmatlarning qadri bebahodir. Lekin… Keling, o`ylashib ko`raylig-a.