Bugungi kunda yurtimiz o`ziga xos rivojlanish, yangilanish, yuksalish davriga o`tdi. Bu yuksalishning zamirida esa inson va uning baxt saodati, manfaatlari yotadi. Ya’ni mamlakatimiz fuqarolarining tinch-totuv yashashi uchun keng va qulay imkoniyatlarni yaratish, uning baxtli kelajagini ta’minlash masalasi turadi. Davlatimiz va hukumatimiz, chunonchi O`zbekiston Respublikasining Prezidenti Sh. Mirziyoyev yurtimiz fuqarolari, ayniqsa yosh avlodning bunday baxtli hayot va kelajakka yuz tutishida keng dunyoqarash va yuksak ma’naviyatga ega bo`lishlari lozim deb hisoblamoqdalar.