“Касби” атамаси “Ҳудуд ул-олам”да, Истахрий, ибн Хавқал асарларида Касба шаклида қайд этилган. Марқа қабиласи таркибига кирган қўй сўпи уруғининг бир тармоғи Касб деб аталган. Касб-Касби бўлиб кетган бўлиши мумкин. Қарши туманида Тожиккасби қишлоғи мавжуд. Ҳозирги Касбида ҳам Хўжа Касби қишлоғи жойлашган. Олимларнинг фикрича, Касби арабча “Қасаба” (Кичик шаҳар, катта қишлоқ) сўзининг ўзгарган шакли. Касбини шаҳар, катта қишлоқ, қўрғон деб изоҳлаш мумкин. О.Г.Большаков Касбини шаҳар деб атаган, чунки Касбининг работи ва кўҳандизи бўлган.