Ушбу мақолада ацетилен спиртларининг ғўзанинг ўсиши, ривожланиши ва ҳосилдорлигига таъсирини ўрганиш бўйича маълумотлар ёритилган. Ацетилен спиртларининг ғўза экини ривожидаги физиологик фаоллиги лаборатория ва дала тажрибаларида ўрганилган. Олинган натижаларга кўра ацетилен спиртларнинг 0,01% ли эритмаси билан чигитга ишлов берилганда ғўзанинг бўйи, симподиал шохлари ва кўраклари сони назорат вариантига нисбатан юқори бўлганлиги аниқланган. Ўрганилган препаратлар таъсирида ғўза ҳосилдорлиги гектарига 4,1 ц. гача кўпайганлиги қайд этилган